វិធី ធ្វើឱ្យស្បែកមុខអ្នកសម៉ត់រលោង ហើយនៅតែក្មេងខ្ចី

ជាយូរណាស់មកហើយ សុភាពនារីបានសិក្សាពីវិធីប្រើស៊ុតធ្វើឱ្យស្បែកមុខស។ យោងតាមការស្រាវជ្រាវជាច្រើន ក្នុងស៊ុតមួយគ្រាប់មានវត្តមានសារធាតុប្រូតេអ៊ីន 69មុខផ្សេងគ្នា អាចជួយកម្ចាត់ស្នាមជ្រីវជ្រួញ ផ្ចិតប្រហោងមុខ និងធ្វើឱ្យស្បែកស។

ប្រើពងមាន់ ជាវិធីអស្ចារ្យតែមួយគត់អាចជួយឱ្យស្បែករលោងភ្លឺថ្លាស្រស់ស្អាត។ ខាងក្រោមនេះជារូបមន្តប្រើពងមាន់ធ្វើឱ្យស្បែកមុខអ្នកស៖

1. រឹតបណ្តឹងស្បែកមុខ

វៃពងមាន់ដាក់ចូលក្នុងចានលាយជាមួយនិងទឹកឃ្មុំ បន្ទាប់មកលាងសម្អាតផ្ទៃមុខអ្នកឱ្យស្អាតសិន រួចលាបវាពេញមុខ។ ម៉ាស្សាថ្នមៗជាចលនារង្វង់ រង់ចាំរយៈពេល 15នាទីលាងសម្អាតមុខរបស់អ្នកចេញ។

វិធីនេះ ពងមាន់ជួយឱ្យស្បែកមុខភ្លឺថ្លា តឹងណែនល្អ។

2. ក្រែមបកស្បែក

 

វៃពងមាន់យកតែស៊ុតលឿងដាក់ក្នុងចាន រួចលាយជាមួយទឹកឃ្មុំ និងប្រេងអូលីវ។ កូរឱ្យសព្វស្មើសាច់គ្នា បន្ទាប់មកលាបលើផ្ទៃមុខ និងរង់ចាំរយៈពេល 30នាទី។ ចុងក្រោយលាងសម្អាតផ្ទៃមុខរបស់អ្នកចេញឱ្យស្អាត។

វិធីនេះនឹងជួយបកស្បែកឱ្យស ការពារស្បែកពីអាការៈហើម រលាក។

3. ស្បែកមុខក្មេងជាងវ័យ

វៃពងមាន់ដាក់ក្នុងចាន រួចចាក់ប្រេងដូង 2-3ដំណក់ចូល។ បន្ទាប់មកបន្ថែមម្សៅរមៀត 1ស្លាបព្រាកាហ្វេ និងទឹកក្រូចស្រស់ 1ស្លាបព្រាកាហ្វេ ច្របល់ឱ្យបានសព្វ។ បន្ទាប់មកទៀត លាបថ្នមៗលើផ្ទៃមុខ និងលាងសម្អាតចេញក្រោយរយៈពេល 20នាទី៕